[奇則系列] 61呎單位,送35呎露台

posted in: 城市景觀 | 0

報紙話跑馬地有個新盤,屋宇署批咗施工同意書。個新盤最細單位嘅,實用面積,係,61平方呎。一個單位61平方呎要有廚房廁所,呢個大概去到人體工學嘅極限了,再細應該要直立瞓覺。 不過,個單位61平方呎,應該係未計「環保露台」同「工作平台」,呢兩樣嘢係補地價時豁免計總樓面面積嘅,環保露台最小面積=約20平方呎(2平方米),工作平台面積約15平方呎(1.5米),即係一個61平方呎嘅單位,政府送多35平方呎俾發展商賣,所以點解香港啲單位愈起愈劏房,因為間屋再細,就可以賺盡每個單位35呎嘅「環保」設施豁免,結果就單位細到等於個露台一半咁大,呢啲就真係廟細燈籠大。 (圖文不符,如果單位只得61呎,應該只有圖中單位一半)

《烈火青春》經典一幕:慾望與空間的矛盾

posted in: 城市景觀, 政治, 男女, 社會, 電影 | 0

候任議員游蕙禎在論壇上說青年人生活空間不足,「想去『扑嘢』都搵唔到房」,引來了本土派敵對陣營猛烈批判。 青春愛慾與居住空間的矛盾,是幾十年來的恆常問題。1982年的話題電影《烈火青春》,當中最經典的一幕是湯鎮業與夏文汐在電車上打得火熱。

究竟成件事重點係梁振英涉黑定係應唔應該起公屋?

posted in: 城市景觀, 政治 | 0

1. 梁振英同鄉黑勢力關係自從小桃園到鄉黑召喚撐梁,一直都係水洗唔清。 2. 梁振英親自督師要讓步唔收橫洲嘅車場(仲要有部份係霸佔官地),佢領導嘅小組向某人為代表嘅鄉事勢力「摸底」,過程冇紀錄,但結果就係17000公屋單位變到得番4000個。密件曝光之後,梁振英不斷講大話,又不斷被擠牙膏篤爆。

古惑仔I結局-當年的柯布連道

posted in: 城市景觀, 電影 | 0

《古惑仔》第一集嘅結局,位置係柯布連道地鐵站旁邊。相中嘅7-11做咗好多年,而家變咗賣pizza。後面嘅玉福玩具都做咗好幾年,而家係Subway。再後啲嘅北海漁村,而家係三聯。最後一格隱約見到嘅係運通泰酒樓,而家做咗灣仔電腦城。

推車徑長過單車徑的規劃

posted in: 城市景觀 | 0

香港有不能避雨亭之後,又有新發明:推車徑。 灣仔海濱規劃建議設立單車徑,不過大家唔好高興得太早,圖中圈住嘅地方叫「推車徑」,即係要落車推。所謂嘅推車徑仲長過單車徑,咁設立單車徑嘅原意已經冇晒。

1 2 3 4 5