風頭火勢:報佳音事件四問

posted in: 社會, 網絡 | 0

呢個時候,報佳音單嘢鬧到火紅火綠,響網上炒起咗話題同罵戰 (圖1及2),邊個提出異議都會被人當埋耶X咁鬧。我呢篇文嘅FB原post留言都鬧得好勁,都算係網上雙方罵戰嘅縮影。

事先聲明,我對於好多教會領袖/教徒唔合理嘅做法已經講過好多,得失過好多人。另外,我同永光堂完全冇任何關係,亦唔係想攬佢地。呢件事我有幾個問題想提出。

1. 報佳音嘅位置係清真寺隔離大約十米八米嘅九龍公園樓梯(圖3),呢個位置有冇騷擾到清真寺裡面嘅人?如果有,我冇嘢再講。

2. 如果冇騷亂到入裡嘅人,咁呢個報佳音行動有冇針對進出清真寺嘅人或者伊斯蘭教?如果有,我冇嘢再問。

3. 如果響清真寺旁邊嘅公眾地方樓梯(個位大概係全香港聖誕節最多人嘅路口旁邊)上面報佳音叫踩場,咁清真寺方圓幾多米有宗教活動先唔叫踩場?我真心問的,唔係反諷。香港島嘅伊斯蘭中心,旁邊就係教堂,咁有冇問題?

4. 報紙訪問伊斯蘭教長,佢話冇問題。我同意呢個唔係絕對嘅argument,畢竟我地可以認為佢係大方。所以我第一條問題就係問有冇騷擾到人。有人會問如果教會旁邊有人搞宗教活動,耶教徒會唔會反對。現實世界就係,教會附近有其他宗教活動,其實好常見,如果有耶教徒反對,大家會鬧佢地耶X,而唔會鬧搞活動嘅人,係唔係?

我知基督新教裡面引起眾怒嘅人/做法/講法太多,大家累積嘅不滿好多,所以一講基督教就會將大家最厭惡嘅教徒拉埋成個基督新教嚟,所以呢件事一講就已經唔能夠平心靜氣講。至於呢件事,問題1同2嘅答案如果係「有」,我唔會再提其餘嘅問題。

要如果將我標籤做耶X都冇問題,我一向都係講我認為應該講嘅嘢。

xmas2016
(圖1:Facebook最初流傳的圖片)

 

2
(圖2:Google搜尋結果)
fireshot-capture-2-121-%e5%bd%8c%e6%95%a6%e9%81%93-google-%e5%9c%b0%e5%9c%96_-https___www-google-com-hk_maps_22(圖3:報佳音位置)

Leave a Reply